ചെല്ലക്കാറ്റേ ചൊല്ലാമോ നീ
ചെല്ലാത്തിടമുണ്ടോ മണ്ണില്‍
ഇല്ലിക്കാട്ടില്‍ ചുള്ളിക്കാട്ടില്‍
നെല്ലിമരത്തില്‍ തുമ്പൊന്നില്‍
അല്ലിപ്പൂവും ചൂടിയിരിക്കും
കള്ളിപ്പാലപ്പൊന്‍ കൊമ്പില്‍
ഉള്ളംകാളും വെള്ളച്ചാട്ടം
തുള്ളിമദിക്കും ചുഴിയൊന്നില്‍
വെള്ളിമുകില്‍ത്തിര നീന്തിയടുക്കും
വെള്ളാരംകുന്നറ്റത്തില്‍
വെള്ളം നീലച്ചേലയിലോ തിര
തല്ലിത്തുള്ളും കടലൊന്നില്‍
ചെല്ലക്കാറ്റേ ചൊല്ലാമോ നീ
ചെല്ലാത്തിടമുണ്ടോ മണ്ണില്‍
10 comments:
ചെല്ലക്കാറ്റേ ചൊല്ലാമോ നീ
ചെല്ലാത്തിടമുണ്ടോ മണ്ണില്‍
ഇല്ലിക്കാട്ടില്‍ ചുള്ളിക്കാട്ടില്‍
നെല്ലിമരത്തില്‍ തുമ്പൊന്നില്‍
അല്ലിപ്പൂവും ചൂടിയിരിക്കും
കള്ളിപ്പാലപ്പൊന്‍ കൊമ്പില്‍
മനൂ,
നല്ല കവിത.
(മിക്കവാറും എല്ലാം വായിക്കാറുണ്ട് സമയക്കുറവു മൂലമാണ് കമന്റാതെ പോകുന്നത് ക്ഷമിക്കുക)
നല്ല വരികള്‍
ബാല്യകാലത്തിന്റ ഈ നനുത്ത ഓര്‍മ്മപ്പെടുത്തലിന്‌
നന്ദി....
നല്ല കവിത
തിരിച്ചുവരവ് ഗംഭീരമായിരിക്കുന്നു...
കൊള്ളാം മനൂ ... ഉജ്ജ്വലം ,ഉദാത്തം !
ലളിതം... മനോഹരം...
നല്ല ഈണത്തില്‍ ചൊല്ലാന്‍ പറ്റിയ വരികള്‍..പതിവുപോലെ ഗംഭീരമായിട്ടുണ്ട്.
മനോഹരമായിരിക്കുന്നു മനു
-സുല്‍
നന്നായിരിക്കുന്നു...
ഡെല്‍ഹിയില്‍ ആയിരുന്നപ്പോള്‍ ഈ ബൂലോഗത്ത് എത്തിപ്പെട്ടില്ലല്ലോ എന്നും താങ്കളെപോലുള്ളവരെ പരിചയപ്പെട്ടില്ലല്ലോ എന്നും ഒരു വേദന ബാക്കി സുഹൃത്തേ..
മനുവിന്റെ കവിതകളുടെ ആ താളം ഒന്നു വേറേ തന്നെ ആണ്‌. നന്നായിരിക്കുന്നു
Post a Comment