"തുമ്പീ തുമ്പീ തുമ്പപ്പൂവിന്‍
തുമ്പത്താടും പൂത്തുമ്പീ
തുള്ളിച്ചാടി വരുന്നോ മുറ്റ-
ത്തല്ലിക്കുളിരുണ്ടഴകുണ്ട്‌"
"തമ്പീ തമ്പീ നീയെന്‍ വാലിന്‍
തുമ്പില്‍ വള്ളിയുടക്കൂലേ
കല്ലുചുമക്കാന്‍ ചിറകില്‍ നുള്ളി
കള്ളാ നോവിച്ചീടില്ലേ?"
"തുമ്പീ തുമ്പീ ഞാനൊരു പാവം
തമ്പീ നിന്നെ നുള്ളില്ല
കല്ലു ചുമക്കാന്‍ ചൊല്ലത്തില്ല
മുല്ലപ്പൂവിലിരുത്തൂലോ"
22 comments:
തുമ്പീ തുമ്പീ തുമ്പപ്പൂവിന്‍
തുമ്പത്താടും പൂത്തുമ്പീ
തുള്ളിച്ചാടി വരുന്നോ മുറ്റ-
ത്തല്ലിക്കുളിരുണ്ടഴകുണ്ട്‌"
മനുവേട്ടാ...
:)
സൂക്ഷിച്ച് വെയ്ക്കുന്നു. മകള്‍ക്ക് പാടിക്കൊടുക്കാമല്ലോ?
മനൂജി,
തുമ്പിക്കവിത ഇഷ്ടായി..!
മുല്ലപ്പൂവിലിരിയ്ക്കും നേരം
ചാരത്തെത്തുവതില്ലേ നീ..
തമ്പീ, നമ്പാനാവില്ലൊട്ടും
വമ്പുകളല്ലേ ചൊല്‍‌വൂ നീ...
വായിക്കുന്നവരെയും കവിതയാകുന്ന മുല്ലപ്പൂവിലിരുത്തി.
അഭിനന്ദങ്ങള്‍.
നല്ല കവിത... തമ്പിയെ നമ്പാനാണെനിക്കിഷ്ടം.. കല്ലു ചുമക്കാനനുവദിക്കാതെ, വാലില്‍ നൂലുകൊണ്ടു കെട്ടാതെ, മുല്ലപ്പൂവില്‍ തുമ്പിയെ ഇരുത്താന്‍ മനസ്സുള്ള കുട്ടികള്‍ ഒരുപാടുണ്ടാവട്ടെ ഈ ലോകത്ത്..
കുറേക്കൂടി മോഹം വര്‍ദ്ധിപ്പിച്ചാല്‍ വെറുതെ തുമ്പികള്‍ പാറി നടക്കുന്നത് കണ്ട് ആസ്വദിക്കുന്ന കുട്ടികളുണ്ടാവട്ടെ എന്നും ആഗ്രഹിക്കാം.
മനുവേട്ടാ... ഗോള്ളാം...
:)
മനൂ,
നല്ല കവിത.
മനൂ,
ഇതാണ് കവിത.ചൊല്ലാനും പാടാനും കഴിയും.
ഇഷ്ടമായി..:)
മനൂ:നന്നായിട്ടുണ്ട്.ബാല കവിത.
പാവം തമ്പിയോടു തുമ്പി;
ചെല്ലത്തമ്പീ നിന്നോടൊപ്പം
മുല്ലപ്പന്തലിലൂഞ്ഞാലില്‍
മെല്ലെയിരിയ്ക്കാമെന്നോ-
ടെല്ലാ കുഞ്ഞുസ്വകാര്യോം പറയാമോ?
കിടിലന്‍! തമ്പി ഇനിയും കവിത എഴുതണം.
നന്നായിട്ടുണ്ട്.
തുമ്പിയെക്കൊണ്ടു കല്ലെടുപ്പിക്കാതീതിന്റെ ചിറകുകളെ മുറിവേല്‍പ്പിക്കാതെ വാനിലൂടെ പാറിപ്പറന്നു കളിക്കുന്നതും നോക്കിയിരുന്ന് കുട്ടിക്കാലം തൊട്ടരികിലെത്തിയപോലെ...
നന്നായിരിക്കുന്നു!!!
കുഞ്ഞിക്കവിത നന്നായിട്ടുണ്ട്.
തുമ്പിയെക്കൊണ്ട് കല്ലെടുപ്പിക്കാത്ത തമ്പീ ഒടുവില്‍ വാക്ക് മാറ്റരുത്.
മനുജീ പതിവുപോലെ പറയട്ടെ, മനോഹരമായ മറ്റൊരു കവിത ..!
മനൂ.. നല്ല കവിത.
ഈ കല്ലെടുപ്പിക്കല്‍ വിദ്യ ഇപ്പോഴത്തെകുട്ടികള്‍ക്ക് അറിയില്ലെന്നു തോന്നുന്നു.
നല്ല രസമുണ്ട് മനൂ ഇതും.
“കല്ലു ചുമക്കാന്‍ ചൊല്ലത്തില്ല
മുല്ലപ്പൂവിലിരുത്തൂലോ".. വായിച്ചു വരുമ്പോള്‍ ഇവിടെ മുല്ല്‍പ്പൂവിന്റെ വാസനയും.. :)
നല്ല കവിത... അഭിനന്ദങ്ങള്‍!
ധ്വനിയുടെ വരികള്‍ കൂടിചേര്‍ക്കണം!
Post a Comment