വട്ടക്കയറില്‍ കുട്ടപ്പന്‍ ചേട്ടന്‍

വട്ടക്കയറിന്നുള്ളില്‍ പെട്ടു
കുട്ടപ്പന്‍ചേട്ടന്‍
മൊട്ടത്തലയൊന്നൂരാനാവാ-
തൊട്ടു കുഴങ്ങിപ്പോയ്‌
കിട്ടന്‍ വന്നു കിഴുക്കു കൊടുത്തൂ
പെട്ടെന്നൂരിപ്പോയ്‌


(ബട്ടണ്‍ ഹോളില്‍ ബട്ടണ്‍.. അമര്‍ത്തുമ്പോള്‍ വെളിയില്‍)

ഇന്‍സ്‌റ്റ്രമെന്‍റു ബോക്സ്‌

മുള്ളും വടിയും വട്ടക്കോലും
കൊള്ളും കുഞ്ഞിപ്പെട്ടിയിത്‌
പള്ളിക്കൂടത്തില്‍ പോകുമ്പോള്‍
അല്ലിക്കുട്ടിയെടുക്കുമിത്‌
നെല്ലിയ്ക്കായും ചാമ്പയ്ക്കായും
നുള്ളിയെടുത്തു നിറയ്ക്കുമിത്‌
തുള്ളിച്ചാടിപ്പോരും നേരം
തെല്ലുതുറന്നു തുളുമ്പുമത്‌
കള്ളച്ചിരിയൊടു ചുറ്റും നോക്കി
മെല്ലെയെടുത്തു തുടയ്ക്കുമത്‌

ചൊല്ലുക ചൊല്ലുക ചെല്ലക്കുട്ടാ
അല്ലിതുറക്കും പെട്ടിയിത്‌