Saturday, 10 March 2007

നീലാണ്ടേട്ടാ നീലാണ്ടേട്ടാ കാലത്തേതന്നെങ്ങോട്ടാ?


"നീലാണ്ടേട്ടാ നീലാണ്ടേട്ടാ
കാലത്തേതന്നെങ്ങോട്ടാ?
നാലാം മുണ്ടും തോളിലുമിട്ടീ-
കാലത്തേ തന്നെങ്ങോട്ടാ?
ചേലായ്‌ ചീകിയ മുടിയും കൈയില്‍
ശീലക്കുടയും കൈലേസും
നീലാണ്ടേട്ടാ നീലാണ്ടേട്ടാ
കാലത്തേതന്നെങ്ങോട്ടാ?"

"കോലപ്പായിന്നല്ലേ നമ്മുടെ
നീലിപ്പെണ്ണിനു കല്യാണം
നാലാളെത്തുന്നിടമല്ലേടേ
ചേലായ്‌ തന്നെ പോവണ്ടെ?
നീലിപ്പെണ്ണിന്‍ കല്യാണത്തിനു
നാലപ്പാട്ടെ ഊണല്ലെ
പാലക്കാടന്‍ പുത്തരികാണും
ആലത്തൂരന്നവിയേലും
ഓലന്‍ തോരന്‍ പുളിശ്ശേരി പി-
ന്നാലങ്കോടന്നച്ചാറും
പാലട നെയ്യും പപ്പടവും ഹാ
കോലപ്പാ ഇന്നുല്‍സവമാ "

"നീലാണ്ടേട്ടാ പോയാട്ടേയെന്‍
കോലന്‍ നാവു നനക്കാതെ... "

3 comments:

G.manu said...

"നീലാണ്ടേട്ടാ നീലാണ്ടേട്ടാ
കാലത്തേതന്നെങ്ങോട്ടാ?
നാലാം മുണ്ടും തോളിലുമിട്ടീ-
കാലത്തേ തന്നെങ്ങോട്ടാ?
ചേലായ്‌ ചീകിയ മുടിയും കൈയില്‍
ശീലക്കുടയും കൈലേസും
നീലാണ്ടേട്ടാ നീലാണ്ടേട്ടാ
കാലത്തേതന്നെങ്ങോട്ടാ?"

"ല" വച്ചൊരു കുഞ്ഞിക്കവിത

Sreehari said...

നനഞ്ഞത്‌ നമ്മുടെ നവാണേ..... മറുനാട്ടിലായിപ്പോയില്ലെ

nandan said...

nalla kunju kavitha