Saturday 3 March 2007

എന്തും കാണാമെന്തും ചെയ്യാം എന്തൊരുപെട്ടിയിതെണ്റ്റമ്മോ


അമ്മുക്കുട്ടിക്കമ്മാവന്നൊരു
കുഞ്ഞിപ്പെട്ടികൊടുത്തല്ലൊ
എന്തും കാണാമെന്തും ചെയ്യാം
എന്തൊരുപെട്ടിയിതെണ്റ്റമ്മോ
ഏഴാം കടലിന്നക്കരെയുള്ളോ-
രേട്ടായിക്കൊരു കത്തെഴുതാം
ഏഴുവെളുപ്പിനു മുമ്പേ തന്നെ
എല്ലാ പത്രോം വായിക്കാം
കല്ലുപുരക്കല്‍ കുഞ്ഞിപ്പെണ്ണില്‍
കല്യാണക്കഥ കണ്ടീടാം
കാതുകുളിര്‍ക്കെ പാട്ടുകള്‍ കേള്‍ക്കാം
കമ്മല്‍ വളകള്‍ വാങ്ങിക്കാം
എന്തും കാണാമെന്തും ചെയ്യാം
എന്തൊരുപെട്ടിയിതെണ്റ്റമ്മോ
നാരങ്ങാട്ടെ നാണുമ്മാനെ
നേരില്‍ കണ്ടൊരു ചിരിതൂകാം
പച്ച നിറത്തില്‍ മഞ്ഞകലറ്‍ത്തി
പുത്തന്‍ പടമൊന്നുണ്ടാക്കാം
പുത്തന്‍ ലിപിയില്‍ പഴയതരത്തില്‍
പുസ്തകമൊത്തിരിയുണ്ടാക്കാം
ആകാശത്തു കറങ്ങും ചേച്ചി-
ക്കരികില്‍ ചെന്നൊരു പൂ നല്‍കാം
ഈലോകത്തെയുരുട്ടിയെടുത്തി-
ട്ടിങ്ങനെവച്ചിതിലാരമ്മോ
എന്തും കാണാമെന്തും ചെയ്യാം
എന്തൊരുപെട്ടിയിതെണ്റ്റമ്മോ

3 comments:

G.MANU said...

അമ്മുക്കുട്ടിക്കമ്മാവന്നൊരു
കുഞ്ഞിപ്പെട്ടികൊടുത്തല്ലൊ
എന്തും കാണാമെന്തും ചെയ്യാം
എന്തൊരുപെട്ടിയിതെണ്റ്റമ്മോ
ഏഴാം കടലിന്നക്കരെയുള്ളോ-
രേട്ടായിക്കൊരു കത്തെഴുതാം
ഏഴുവെളുപ്പിനു മുമ്പേ തന്നെ
എല്ലാ പത്രോം വായിക്കാം

കമ്പ്യുട്ടറിനെപ്പറ്റി ഒരു കുഞ്ഞിക്കവിത

സുന്ദരന്‍ said...

മനൂ അടിപൊളിക്കുട്ടിക്കവിത...
തേങ്ങയല്ല ....ഒരു തെങ്ങുതന്നെ പറിച്ചടിക്കുന്നു....

Anonymous said...

ആകാശത്തു കറങ്ങും ചേച്ചി-
ക്കരികില്‍ ചെന്നൊരു പൂ നല്‍കാം
ഈലോകത്തെയുരുട്ടിയെടുത്തി-
ട്ടിങ്ങനെവച്ചിതിലാരമ്മോ
എന്തും കാണാമെന്തും ചെയ്യാം
എന്തൊരുപെട്ടിയിതെണ്റ്റമ്മോ

great manu