അങ്ങേലെയമ്മിണിയെന്തു പറഞ്ഞാലും
വിങ്ങിക്കരയുന്നതെന്തമ്മേ
കിങ്ങിണിയിട്ടാലും കൊങ്ങിണിയിട്ടാലും
ഒന്നു ചിരിക്കാത്തതെന്തമ്മേ
കുന്നിക്കുരുമണി നൂറുകൊടുത്താലും
ഒന്നും പറയാത്തതെന്തമ്മേ
കുഞ്ഞിക്കവിളില്‍ ഞാനുമ്മകൊടുത്താലും
ഒന്നു കുണുങ്ങാത്തതെന്തമ്മേ
പ്ളാവിലത്തൊപ്പി ഞാന്‍ വച്ചു കൊടുത്താലും
ഒന്നു മിനുങ്ങാത്തതെന്തമ്മേ
പാലക്കാമൊതിരമിട്ടു കൊടുത്താലും
ഒന്നു തിളങ്ങാത്തതെന്തമ്മേ
പൂരംനാള്‍ വാങ്ങിയ മാലകൊടുത്താലും
പുഞ്ചിരി തൂവാത്തതെന്തമ്മേ
പൂക്കളിറുത്തു ഞാന്‍ കൈയില്‍കൊടുത്താലും
കണ്ണു ന്‍ഇറയുന്നതെന്തമ്മേ
അങ്ങേലെയമ്മിണിക്കുമ്മ കൊടുക്കുവാന്‍
അമ്മയും അച്ഛനുമില്ല മോളെ
അമ്മയുമച്ഛനുമില്ലെങ്കിലെങ്ങനെ
അമ്മിണി കൊഞ്ചി ചിരിക്കും മോളെ
16 comments:
അങ്ങേലെയമ്മിണിയെന്തു പറഞ്ഞാലും വിങ്ങിക്കരയുന്നതെന്തമ്മേ
പുതിയ കുഞ്ഞിക്കവിത
മനു..രാവിലെ എന്നെ കരയിപ്പിച്ചല്ലൊ...
കുഞ്ഞികവിതകള്‍ നന്നാവുന്നുണ്ടല്ലോ മനു. ഹൃദ്യം.
-സുല്‍
മനു, കൊള്ളാം.:)
നന്നായിരിക്കുന്നു മനു ഈ കവിത. മോളെ ചൊല്ലികേള്‍പ്പിക്കാന്‍ പ്രിന്റ് ഔട്ട് എടുത്തു
Paavam ammini...manasil ninnum mayunnilla... nalla kavitha manu
നല്ലകവിത :-). സങ്കടക്കവിത :(
മനൂ... നല്ല കുഞ്ഞുക്കവിത... നന്നായിരിക്കുന്നു.
ഭാവുകങ്ങള്‍
കുഞ്ഞുങ്ങള്‍ക്കു വേണ്ടി എന്തെങ്കിലും കൊടുക്കാന്‍ കഴിയുന്ന മനു ഭാഗ്യവാനാണ്, കാരണം അങ്ങനെയുള്ളവരെ ലോകം മുഴുവന്‍ സ്നേഹിക്കുന്നു.
ഇനിയുമിനിയും ഒരു പാടെഴുതാന്‍ സാധിക്കട്ടെ.
മനൂ കുഞ്ഞിക്കവിത നന്നായിരിക്കുന്നു. (ഇതിനെ കുഞ്ഞിക്കവിത എന്നു വിളിക്കാമോ?)
അമ്മിണിയുടെ കണ്ണുനീറ്‍ ഏട്ടുവാങ്ങിയ എല്ലാവറ്‍ക്കും നന്ദി (ദുഖം പങ്കിട്ടെടുക്കുന്നവരൊട്‌ നന്ദി പറയുന്നതു ശരി അല്ലെങ്കിലും)
'കുഞ്ഞിക്കവിത' വായിച്ചതിപ്പോഴാണു..നന്നായിരിയ്ക്കുന്നു..സങ്കടത്തിന്റെ നൂലിഴകള്‍ പാകിയെടുത്ത മനോഹരമായ എഴുത്ത്‌.
നല്ലത്..
കൊള്ളാലോ...നല്ല താളത്തില്‍ വായിക്കാന്‍ പറ്റിയത്‌....
manu,
nalla kavitha,
laLitham , manOharam,
pakshe veshmaayi vaayicchaappOL
മനു... മനസ്സില്‍ വായിക്കാന്‍ നോക്കി..പററുന്നില്ല്ല..അതെങ്ങിനെ? കുഞ്ഞിക്കവിതയല്ലേ......! പിന്നെ, ഉറക്കെത്തന്നെ ചൊല്ലി.....!
ഈ വരി എഡിററ് ചെയ്തു ശരിയാക്കുക:-
"കണ്ണു ന്‍ഇറയുന്നതെന്തമ്മേ "
Post a Comment